Proverbs 11
1TOPA in tawisuang maan lo kihatehna maan lian ahileh a lungkim hi. a
2 Kisaktheihna in hong maimawlsak a,
kiniamkhiatna ahileh pilna ahi hi. b
3 A citakte a cihtakna un makaih a,
a muanhuai lote ahileh a zuautatna un susia hi. c
4 Thangpaih hunin hauhna in man nei lo a, d
thumaanna in ahileh sihna panin a hu hi. e
5 Kawkbaanna om lo thumaanna in a mau adingin lamtang sialsak a,
migilote ahileh amau gitlohna in a puksak hi. f
6 A thutangte’ thumaanna in a maute hu-a,
a muanhuai lote ahileh amau lunggulhna hoih lo ah a awk uh hi.
7 Migilo khat a sih ciangin ama lametna mangthang a, g
a vangliatna pana ki-ummawh teng a guaksuak hi.
8 Thumaan mipa lungkhamna pan kihu a,
ama tangin migilopa tungah tung hi. h
9 Pasian nei lopa kam in a vengpa susia a,
theihna tungtawnin a thumaanpa suakta hi.
10 Thumaan mipa a daupai ciangin khuapi lungnuam a;
migilo a manthan ciangin lungdam a kikona a om hi.
11 Thutang mi khat’ thupha tungtawnin khuapi kitawisang a,
migilo kam hangin khuapi kisia hi.
12 Thu khencian thei lopa in a vengpa nuihsan a,
thu theitelpa ahileh a ki-ip thei hi. i
13 Mi kamtamte in thusim tehkha teitei a, j
a muantak mi in ahileh thu im hi. k
14 A kimakaih lo minam puk a, l
mi tampi thudot in gualzawhna kician a tun hi. m
15 Mel theih loh mi mawhna a puaksakpa in thuak pelmawh dinga,
kiciamna-a khut beng nuam lopa a suakta ding hi. n
16 A dik numei kizahtak a, o
a hiamgamh pasal in ahileh hauhna bek a ngah hi.
17 A migipa amahmah phattuamna hi-a,
a kheltatpa ahileh amahmah siatna kitun ahi hi.
18 Migilopa thalawh thaman in khemna hi-a,
thumaanna a vawhpa in ahileh pahtakman at teitei hi. p
19 A thumaan taktak mi in nuntakna ngah a, q
gitlohna a delhpa in a sihlawh hi. r
20 TOPA in mihing lungsim lehtatte kih a, s
kawkbaang lo-a nungtate a pakta hi. t
21 Hih thu telcian in: Migilote in dan tuak loin a om kei ding hi;
a thumaan mite ahileh a suakta ding uh hi. u
22 A kidawm thei lo numei melhoih,
vok naka kham nakbah bat tawh kibang hi.
23 A thumaante lunggulhna a hoih bekbek suak a,
migilote lametna ahileh thangpaihna bek ahi hi.
24 Mi khat in pia ziahziah napi, a tamzaw ngah a,
adang khat cil tentan napi zawng semsem zaw hi.
25 A cingh mipa a daupai dinga, v
midang a thamalhsakte amau kithamalhsak ahi hi. w
26 Antang kholkhol te kihamsiat a,
a zuak nuamte thupha kikhusak hi.
27 A hoih zongte in deihsakna mu uh a,
gitlohna a zongte tungah gitlohna mah a tung ding hi. x
28 A hauhna a muang peuhmah puk dinga, y
thumaanna ahileh singteh pha hing tawh kibang ding hi. z
29 A innkuan tungah lunghimawhna a tun mi kihawmkhai dinga,
mihaite, mipilte nasem a suak ding hi. aa
30 Thumaanna gah in nuntakna singkung hi-a, ab
mihing lungsim zo mi mipil ahi hi.
31 Thumaante in leitung ah thaman sang uh ahileh ac
a pasian-milote le mawhneite in tam sanzaw ngel ve!
Copyright information for
ZomZIV